 |
| منیرصابری کنجاہی کی پنجابی شاعری،پنجابی غزلیں |
منیرصابری کنجاہی(Munir Sabri Kunjahi) گجرات دے قصبہ کنجاہ نال تعلق رکھدے نیں۔
اونہاں دا اصل ناں منیراحمد اے ۔اوناں 26 فروری 1938 نوں کنجاہ دے محلے ککے زئیاں
اچ برکت علی دے گھر جنم لیا۔آپ پنجابی
شاعری دے مشہور شاعر نیں۔ منیرصابری دے چاچا غازی سراج دین وی اپنے ویلے دے چنگے
شاعرسن۔منیرصابری دے والد وی 25سال بزم غنیمت سے سیکرٹری رئے ۔اوہناں دے والد
کول اس ویلے مشہور شاعر ملنے واسطے آندے سن تے شعروشاعری دے دور چلدے سن۔اینج
منیرصابری کنجاہی ہوراں نوں نکی عمرے ای شاعری دا شوق لگ گیا۔
کنجاہ ادبی حوالے نال اپنی خاص
پچھان دا مالک اے۔ اردو تے پنجابی غزل دے کئی منے پرمنے شاعر تے نثر دے لکھاری ایس
دھرتی دی دین نیں۔فارسی دے اک وڈے شاعر غنیمت کنجاہی دا مزار وی ایسے شہر اچ اے۔منیرصابری
کنجاہی ہوری کنجاہ دے سینئر شاعر نیں ۔او پنجابی شاعری دے نال تے اردو اچ وی لکھدے نیں تے اونا دی شاعری دے کئی
مجموعے منظر تے آکے داد پاچکے نیں۔2022اچ اونہاں دا ںواں اردو تے پنجابی کلام دا
سانجھا مجموعہ اپنا لہجہ اپنا رنگ چھپ کے پڑھن والیاں دے ہتھاں اچ پہنچیا اے۔اس
کتاب چوں کجہ پنجابی غزلاں جنہاں اچ اک مزاحیہ پنجابی غزل وی شام اے دوستاں دی نذر کر رہیا واں۔منیرصابری
کنجاہی دی شاعری دی وڈی خوبی اونہاں دا بے
ساختہ انداز اے۔اونہاں دے شعر سہل ممتنع دی سوہنی مثال نیں۔ منیرصابری کنجاہی اک
قدرتی شاعر نیں۔اونہاں دی شاعری کوئی بناوٹ نئیں ملدی۔اوہ زود گو شاعر نیں۔اوناں دی
کتاب اپنا لہجہ اپنا رنگ دی پنجابی شاعری دے وچوں چند غزلاں تہاڈے نال سانجھیاں کر
ریا واں۔
منیرصابری
دی پنجابی غزل
تیرے جدوں دیہاڑے پینے
فیر اک وار پواڑے پینے
اہدی جھولی سکھ دے پھل
تیرے پلے ہاڑے پینے
فیر نہیں کسے بچانا تینوں
تیرے گل جد ماڑے پینے
خاں صاحباں دی جنج تے پالا
راہ دے وچ دواڑے پینے
بچیاں دی خوش حالی واطے
پڑھنے فیر پہاڑے پینے
میں تے ایخو سوچدا رہنا
ددھ اچ کدوں سنگھاڑے پینے
فیرمنیر لڑائی ہونی
کھوڑے جدوں سراڑے پینے
منیرصابری کنجاہی دی پنجابی غزل
فن اچ انج باریک ہوجاواں
میں پتھر تے لیک ہو جاواں
ماں پیو مگروں چیتا رکھیں
توں تے آپے ٹھیک ہوجانا
جے نہ چھڈیا پاگل پن
سارا پنڈ منڈیک ہوجانا
اینا کیوں تکبر کرنایں
رب دا توں شریک ہوجانا
اوہداکل دا وعدہ ویکھیں
دودن بعداڈیک ہوجانا
آوندے رئے جے یورو انجے
ساڈا پنڈ گریک ہوجانا
اج منیر نے جو کجہ کہنایں
کل ایخو تبریک ہو جانا
انہاں دی اک ہور پنجابی غزل پنجابی
جہڑے مینوں ٹھگدے نہیں سن
میرے کجہ وی لگدے نہیں سن
میری اکھ چوں قطرہ قطرہ
ایویں اتھرو وگدے نہیں سن
بھاویں سن سلامتی والے
کیا اوہ شعلے اگ دے نہیں سن
مرداں دی پہچان سی ایخو
نفس دے آکھے لگدےنہیں سن
اکھ دے واڑے اتھروڈگدا
ایہہ بھارو کسے وگ دے نہیں سن
دل دے ٹھوٹھے بھکیا تیری
طعنے مہنے جگ دے نہیں سن
اوہناسن کے رولاپایا
نیڑے جوشہ رگ دے نہیں سن
ول زلف دے کسراں کھل دے
ول ایہہ کسے دی پگ دے نہیں سن
منیرصابری کنجاہی دی اک مزاحیہ پنجابی غزل ویکھو
اکڑ بھکڑ بھنبے بو
کاکا اپنی حد چہ رہو
باندرکلا کھیڈن والے
کہندے شعر تےکریوگہو
نالے شعربے وزنے آکھے
نالے آکھےداد تے دہو
تیرے لئی ملوک لیایاں
ماما۔ ککروں تھلےلہو
تھانیوں آیاایں کی ہویاای
کجھہ تے اپنے منہوں کہو
ڈالر دی تو قیمت ویکھ
اسی نوے پوراسو
منیرصابری کنجاہی دی پنجابی
شاعری دی کتاب اپنا لہجہ اپنا رنگ وچوں دی
اک ہور پنجابی غزل
رولارپاپاجاندےنیں آجاجاندے نیں
لارالپالاجاندےنیں آجاندے نیں
میرے دکھڑے سن دے نہیں سںن ہن
او آپوں
رورودکھ سناجاندے نیں آجاندے نیں
میری سوچ دے وہڑے دے وچ آکے یار
رونق میلہ لاجاندے نیں آجاندے نیں
خوشیاں والاسدھا میرے گھر وچ دے
کے
مینوں ہور رواجاندے نیں آجاندے
نیں
بھاویں کنا رولاہووے دل دے محرم
اپنی گل سناجاندے نیں آجاندے نیں
سورج دی رشنائی اکھ تے لیکن
والے
راہ وچ ریت وچھاجاندےنیں آجاندے
نیں
کوٹھامیری آس امید دا یارمنیر
جداو۔دےنیں ڈھاجاندے نیں آجاندے
نیں
۔۔۔۔۔۔۔۔۔۔۔
منیرصابری کنجاہی دی پنجابی شاعری،پنجابی
غزل دا پہلا شعری مجموعہ فکرمنیر2002وچ چھپیا۔اس توں بعد حمدیہ سی حرفی تے
سوچاں دی پونجی دو کتاباں 2005 وچ
منظر تے آئیاں۔2019 وچ اونہاں دا نعتیہ مجموعہ
نعت مصطفی دے ناں دے نال چھاپیا
گیا۔تے اردو پنجابی
شاعری دی نویں کتاب شعراں دی کتاب اپنا لہجہ اپنارنگ 2022وچ کاکا سنز نے کنجاہ توں
چھاپی اے۔
.........
