عالم خورشید کے زیر اہتمام ادب ساز کا آن لائن مشاعرہ۔میزبان۔اشفاق شاہین

 

Aalam Khursheed KKi Sadarat Main AdabSaz Ka Online-Live Mushaira-Maizban.Ashfaq shaheen

 گزشتہ دنوں ادب ساز کے زیر اہتمام آن لائن مشاعروں کے سلسلہ میں انڈیا کے جدید لہجہ کے معروف شاعر عالم خورشید کی صدارت میں مشاعرہ کا انعقاد کیا گیا۔یہ تقریب کے مہمان خصوصی وقار افضل، خالد ملک ساحل ، امجد میر اور نعیم اللہ انمول ۔جب کہ مہمان شعرا میں ارشد محمود ارشد،نعیم رضا بھٹی ،سلیم سندھو اور تنویر دانش شامل تھے۔یہ تقریب فیس بک پر آن لائن پیش کی گئی۔شعرا کے کلام سے انتخاب درج ذیل ہے۔

اشفاق شاہین

کہاں بستی میں ہم ہر اک حسیں سے چائے پیتے ہیں

جہاں چاہت میسر ہو وہیں سے چائے پیتے ہیں

نعیم رضا بھٹی

منتشر ہو جاو گے

ہو گی جب دو لخت نیند

ارشد محمود ارشد

عجلت تھی جانے کون سی اے کوزہ گرا تجھے

اک مضطرب سی روح کو پہنا دیا بدن

امجد میر

اب کسی اور کہانی میں مجھے ڈھلنا ہے

میں زمانے کے فسانے سے نکل آیا ہوں

وقار افضل

کہیں نہیں ہے کہیں نہیں,کہیں بھی نہیں

کوئی بتائے کہ اس پر مجھے یقیں بھی نہیں

عالم خورشید

عجب ہے ماجرا سب کو گماں ہے

کہ ہم اچھے ہیں اور دنیا بری ہے

مرے جاتے ہیں اس کی آرزو میں

مگر کہتے ہیں دنیا عارضی ہے

Adabsaz|ashfaq shaheen